Anna, Pauln des Plakewudleins seligen witib, hat verchaufft vi s. d. gelcz purkrechtz auf irm haus, gelegen bei Sand Petersfreithof gegen Hermans von Eslorn haus uber, zenagst der Schattawerin haus, davon man jerlich dient der Cantorey hintz Sand Steffan zu Wienn ½ pfunt pfening zu purkrecht und nicht mer. Dem erbern Linharten Newnhofer, kirchmaister zu Sand Michel und seinen nachkomen, umb vi tl d. und gehornt zu den dreissig messen, die Kathrey Conrats Awer witib daselbs zusprechen geschafft hat und ein yeder kirchmaister daselben sol ausrichten lassen, und sind zu dienen zu drein tegen und wider abzekauffen miteinander mit vi tl. d. und den nagsten dinst damit, der denn davon ze dinen gedingen gevellet, ut littera sonat. Actum feria sexta post Margarete, anno etc. xxxviiio.

Summa xii d.

Daz purkrecht ist zum puch gelegt feria quarta ante Mathie apostoli xliii.