Eintrag vom 1439-05-22Informationen zum Dokument

Agnes Hannsen des Kewschen hausfraw hat versaczt die ubertewrung irer zwair héwser, ains gelegen am Alten Fleischmarkht zenagst Otten des Meczner haus, und das ander ist gelegen vor Schottentor auf der Alsserstrass zenagst maister Hainreichs Stolln haus und den stadl und garten daran, uber die hundert und xx tl. d., die vormaln darauf sind und die weilnt ir erer man Kunrat Lempershaimer zu seiner mess auf Sand Florians altar zu Sand Steffan geschafft hat, nach laut seins geschéffts, das im statbuch geschriben stet. Dem erbern weisen Hannsen Mauttinger, burger zu Wien, seiner gesellschafft und irn erben, an den virzehenhundert pfunt pfeningen, die Hanns der Kewsch und die egenant Agnes seinn hausfraw demselben Mauttinger seiner gesellschafft und irn erben suldig worden sind, und gelten sullen, und sind zu beczalen von dem nagstkunftigen sant Giligen tag darnach ynner den negsten zwelf jarn alle jar an sand Giligen tag hundert sechzehen pfunt funf schilling und zehen pfenig solang uncz daz sy der vorgenant summ pfenig gancz beczalt werdent. Und sullen auch mit der ersten de zalung anheben von sand Giligen tag schirst kunftig uber ain jar an alles vercziehen nach lautt ains geltbriefs, den sy darumb habent gegeben und nicht mit gruntsigel gevertigt ist. Und ist ausch derselb geltbrief und die satzung núr ain geltschuld. Actum an Freytag vor dem heiligen Phingsttag, anno domini etc. xxxviiiio.

Summa iiii tl. xl d.

Nota den sacz habent Kristan Wissinger und Jorig Zehendtner ledig gesagt an Montag vor Ascensionis domini xlvii.