Eintrag vom 1441-06-16Informationen zum Dokument

Alex Newnkircher hat versaczt die ubertewrung seins hauss, gelegen in der Kernerstrazz zenagst Hannsen Phlugler des zingiesser haus, uber die iiii tl. d. geltz purkrechcz so her Sigmund Schelhel korherr und diezeit kapplan Unser Frawn altar in sand Johans cappellen vor Werdertor vor darauf hat, und uber die hundert phunt die junkfrawn Margreten der Mursteterinn tochter seiner swester und nachmaln darauf verschriben sind und uber die funfczig phunt pfening die junkfrawn Ursulen auch seiner swester in saczesweis darauf verphendet sind. Denselben seinen zwain swestern junkfrawn Margreten und Ursulen und irn erben für zwainczig guldein, die in zu irm teil zugebúrtt haben von maister Thomann Sibenburger dem goltsmid von ains weingartens wegen, gelegen an der Dúrren Wering des zwai jeuch ist, den er weilnt von Erharten Newnkircher irm vatern seligen gekaufft hat und als auch derselb Erhart dieselb geltschuld in seinen geschefft berurt und gemelt hat. Und sind zu beczalen, wenn si vogtber werdent darnach an alles vercziehen. Actum an Freytag post Viti, anno etc. xlio.

Summa xxx d.

Das gelt hat maister Hanns Zeller auf dem haws junkfraun Ursulen widerumb verschriben. Actum sextaante Marien Magdalene xliiiito.