Anna, Jorgen Leinburger des appoteker hausfrau, die emalen Micheln den hantschuster seligen auch elichen gehabt hat, hat versaczt ir haws, gelegen in der Wiltwercherstrass zenagst des Öttinger zuehaws an aim tail, und an dem andern zenagst dem Metkeller. Den erbern weisen Andren Hiltpranten, Kristan Wissinger und Steffan dem Kisling dieczeit Hainreichs des Frankchen seligen gescheftléuten und irn nachkomen, zu handen desselben Frankchen seligen kinder, umb¹ zwaihundert sibenundfunfczig pfund siben schilling und funf phening. Und sind zu beczalen auf von den nagstkunfftign Ostern úber zway gancze jar anvercziehen. Actum an Mittichen post Letare, anno etc. lxvito.

Summa ix s. xiii d. ii tl. xxxiiii d.

An dem sacz habent die egenanten Jorg Apotekher und Anna sein hausfraw Kristan Wissinger und Steffan Kisling zu des Frankhen kinder handen ausgericht cxxi tl. v s. xiii d. nach laut der quittung die si darum habent. Actum an Mitichen vor sand Larenczen tag, anno etc. xlviiio.