Eintrag vom 1447-07-20Informationen zum Dokument

Anna Kunrats des Schröfl hausfrau, die emalen maister Hainreichen Stoll lerer in der ertzney seligen auch elichen gehabt hat, hat versaczt irn tail und gerechtikait, so sy hat an der padstuben mit irer zugehorung, gelegen in der Sinngerstrasse am egk zenagst dem gesslein als man zu Sand Jeronimus get an ainen tail und an dem andern zenagst maister Hannsen von Prag des wuntarczt haus, daman von derselben padstuben und irer zugehorung alle jar dint hern Meinharten Lochner dieczeit kaplan der mess, die frau Elspeten Ulreichs Kerczenmacher witib auf Allerheiligen altar zu Sant Steffan zu Wienn gestifft hat, acht pfund phenig zu purkrecht die abczulosen sind mit ainsundachczig pfund pfeningen nach seins purkrechtsbriefs laut und nicht mer. Dem edeln Herman Edlerawer des heiligen Römischen Reichs gesworen procurator und seinen erben umb hundert pfunt phenig, in solher maynung. Alledieweil die vorgnant frau Anna und ir erben dem benant Herman und seinen erben die egnanten hundert pfunt pfenning nicht ausrichten und beczalen, so sullen derselb Herman und sein erben unverschaidenlich an irer stat von dem Hofczins der ir wochenlich gevallen und zugeburn sol und wirdet von irm egnant tail und gerechtikait alle und yegliche wochen heben und innemen funfundvirczig phening an abslag des egnanten haubtguts und das an alle irrung núczen und niessen als hofczins und der statrecht ist solang uncz das sy oder ir erben denselben irn tail und gerechtikait an der benanten padstuben umb die egnanten hundert pfunt phenning von demselben Herman und seinen erben widerledigen und lösen, ut littera sonat. Actum an Pfincztag vor sand Maria Magdalen tag, anno etc. xlviio.

Summa vi s. xx d.