Eintrag vom 1450-03-30Informationen zum Dokument

Affra, Hannsen Mawrer des wachsgiesser und Agnesen seiner hausfraun seligen tochter und Wolfgangs Orter, wachsgiesser hausfraw hat gemacht und verschriben dem benanten irm mann, zwaihundert pfunt pfening, die herkomen sind von irm haws, im Schiltergésslein gegen Jacoben von Velach haus uber gelegen. Das sy darumb verchaufft haben, auf irm haus, das von der egnanten irr mutter seligen mit geschefft an sey kómen und mit Hannsen des Miltenbergers, irs steuffaters abgang ledig worden ist, auch gelegen im Schiltergesslein, zenagst Bértlmes Kocherndorffer haus an aim tail und an dem andern zenagst Niclasen Rénharts des verber haus. Davon man jerlich dint dem kaplan zu Sand Peter zu der messe, die weilent Eberhart Kasstner das(elb)s pey Pew´rertor zu stifften geschafft hat, zehen pfund pfening zu purkrecht, nach lautt ains purkrechtbriefs, und nicht mer. Also das die vorgnanten zwayhundert pfund phening erst nach der egnanten Affren und des egnanten Wolfgangs irs manns abgang auf dem egnanten haws lediclich erben und gevallen sullen auf ire kinder, so sy yecz miteinander haben und furbaser miteinander gewinen. Gingen aber dieselben ire kinder darnach auch ab ungevogt oder ob sy vogtper wurden und die zwaihundert pfund unverschafft, unvermacht und unverkumert hinder in liessen, so sullen sy erben und gevallen auf ir und irs mans négst erben, darauf sy zu recht erben sullen. Beschech aber, das der egnant ir man mit tod abging ee dann sy und das er ir nicht kinder liesse, oder ob er ir kinder liesse und das die auch abgingen ee denn sy, so sol sy dann die vorgnanten zwaihundert pfund lediclich haben. Ging sy ab ee denn der benant ir man und das sy im auch nicht kinder liess oder ob sy im kinder liesse und das die auch abgingen ee denn er, so sol er dann die zwaihundert pfund phening halb auf dem egnanten irm haus lediclich haben und den andern halfftentail sein lebteg núczen und niessen unverkumert. Und nach seim abgang sol derselb halb tail erben und gevallen auf der egnanten Affren nagst erben, darauf er dann zurecht erben und gevallen sol, ut littera sonat. Actum an Montag nach dem Palm tag, ano etc. lmo.

Summa vi s. xx d.