Anna, Erasems von Klawsenburg hausfrau, die emalen Walàsch von Funfkirchen auch elichen gehabt hat, hat versaczt ir haws, gelegen pey den Predigern, genant des Kranfogl haws, zenagst weilent Pauln des Wagendrussl haws an aim tail. Junkfraun Kathrein, irr tochter, die sy pey dem egnanten Walasch gehabt hat, umb hundert und funfundczwainczig pfund pfening an den zwainhundert gulden, die der benant Wàlasch der egnanten seiner tochter geschafft hat, nach lautt seins gescheffts. Und sind zu beczalen, wan die vorgnant junkfrau Kathrey vogtper wirdet an alles vercziehen. Ging sy aber ab ungevogt, so sullen dieselben phening erben auf ire geswistreid muterhalben. Wer aber, das sy nicht geswistreid muterhalben hinder ir liesse, so sullen dieselben phening durch got und des egnanten Wàlasch sel hails willen gegeben werden, nach innhalt seins egemelten gescheffts, das in dem statpuch geschriben stet, ut littera. Actum an Freitag nach sand Lucein tag, anno etc. liiio.

Summa i tl., x. d.

Kathr(ey) habet cedulam.

Nota die obgnant Kathr(ey) hat das hawss mit gericht erlanngt und die gruntzedlen ist noch vorhannden, die der gericht- und anpotbrief tat die zum puch erlegt sein.