Achatii Rukchendorffer der kramer und Margreth sein hausfrau habent versaczt ir haws, gelegen mit dem vordern tail in der hindern Pekchenstrass zenagst maister Petern Vòllczians haws und stosset mit dem hindern tail in das gessl pey der Heiligenkreuczer hof. Den erbern weisen Steffan Awer, Niclasen Ernst, dieczeit des rats der stat zu Wienn, und Linharten dem Grunpacher, burger daselbs, anstat und als gerhaben junkfraun Kathrein, Ulreichs Pfanczagls seligen tochter und irn erben umb hundertzwen und sibenczig Ungrischer gulden, gerecht in gold und wag. Und maister Jorgen Hopphawer anstat maister Sigmunds Phanczagl, des gewalt er hat, umb hundert sibenundzwainczig Ungrisch gulden in gold und funfundsibenczig pfening. Und sind all zu beczalen auf unser lieben Fraun tag der Liechtmess nagstkünfftigen an alles vercziehen. Actum an Mittichen vor sand Pertlmes tag, anno domini etc. liiiito.

Summa ii tl., vii s. d.

Ernst habet cedulam.