Andre Kollinger der zeinstrikcher hat versaczt die uberteurung seins hauss, gelegen am alten Kolmarkt zenagst Jacoben des Káschawer haus. Uber die funfczig pfunt pfenig, die er dem kirchmaister zu Sant Michel zu Mertten von Ibs des zeinstrikcher, seins vettern jartag emalen darauf verschriben hat nach lautt ains briefs, den er darumb hat. Der erbern Annen, Hannsen des Vederler tochtter, seiner hausfraun umb hundert pfunt pfenig zu rechtter haimsteur und umb anderthalbhundert pfunt pfenig zu morgengab nach der statrechten zu Wienn, ut littera. Actum an Freitag post Philippi et Jacobi, anno etc. lvto.

Summa ii tl. d.

Nota die i ½ c tl. d. morgengab sein auf des benanten Kolinger erben und die ic. tl. d. haimstewr auf obgemelter seiner hausfraun bruder, hern Anndren Osterhofer, briester erblich komen, ut weisung im statpuch geschriben. Derselb her Andre die benanten ic. tl. d. entricht und den obgnanten gemechtbrief zu dem gruntpuch bracht, der dabei vernicht ist. Actum 6ta post Conceptionis Marie, anno 94¹.