Eintrag vom 1456-02-26Informationen zum Dokument

Anna, Petern Windner hausfraw, die emalen Hannsen Schrot auch elichen gehabt hat, her Jorg Schrott, caplan zu Sand Peter, und Mertt Schrott, burger zu Wienn, des benanten Hannsen Schroten seligen geschefftlewt und gerhaben seiner tochter Barbaren habent versaczt. Ain haws, das weilent des egenanten Hannsen Schrots seligen gewesen ist und der egenanten Annen seiner hausfraun und halbs Barbaren seiner tochter geschafft hat, gelegen in der Wolczeil ynnerhalb Stubentor, zenagst des Panczawns haws. Da man von demselben haws alle jar dint dem vorgenanten hern Jorgen Schrott, dieczeit caplan der mess, die Eberhart Kasstner auf unser Fraun altar zu Sand Peter gestifft hat, drew phunt phenig zu purkchrecht, die abczulosen sind mit xxxvi tl. d. nach lautt ains purkchrechtbriefs und nicht mer. Dem egenanten Petern Windner und seinen erben umb ainsundvirczigk phunt phenig, die er von seinem gut ausgeben hat von der siben phunt phenig geltes purkrechts wegen, die emalen auf dem egenanten haws hern Andren Benedicter verschriben gewesen seind nach lautt des gruntpuchs. Und sind zu beczallen, wenn die egenant Barbara vogtper wirdet und zu irn beschaiden jaren kumbt, darnach an alles vercziehen. Doch unvergriffenlich der siben und zwainczigk phunt phenig, darumb der benanten Barbaren tail und gechtikait an dem egenanten haws, der obgenanten Annen, Petern Windner hausfrawen emalen verphendt ist. Actum an Freytag vor dem Suntag Oculi in der vassten, anno etc. lvito.

Summa lxxxii d.

Peter habet cedulam.

Nota des obgenanten hawss ist die obgenant Anna, Petern des Windner hausfrau und Thoma, Hanns und Ursula, ire kinder¹ an die gewer komen und habend den obgenanten satz auf sich und das benant hawss genomen, ut sonat.