Eintrag vom 1459-02-09Informationen zum Dokument

Andre Awer hat versaczt die überteurung seins halben hawss, ganczes am Graben zu Wienn zenagst Thomans Sibenburger haws gelegen. Uber die hundert phunt phenig, darumb es vormalen seinem vatern Steffan Awer versaczt ist und auch demselben seinem vatern und Helen seiner hausfrawn an irm bestand unvergriffenlich, und über die hundert phunt phenig, die Alexen Tewfl und Annen seiner hausfrawen darnach darauf verschriben sein. Dem edlen Hannsen Winkchler und seinen erben umb anderthalbhundert guter newer Ungerischer guldein, gerecht in gold und wag und sind zu beczalen von sand Johanns tag zu Sunnbenden schiristkünftigen uber ain ganczes jar an alles vercziehen, ut littera sonat. Actum an Freitag vor Invocavit in der vasten, anno etc. lviiiio.

Summa xii s. xv d.