Anna, Hannsen Hueber, burger zu Wienn hawsfraw hat versaczt irn tail und gerechtikait an ainem haws, gelegen am Judenplatz zunagst Micheln Phuntimaschen haws an aim tail, darumb sy und weilent maister Ulrich Griessenpeken, licenciat geistlicher rechten, statschreiber zu Wienn, ir erer man¹ seliger zu gesambter hanndtweise nucz und gwer geschriben steend. Gabrieln, Margrethen und Diemuten, iren kinden, die sy bey demselben irm erern mann elichen gehabt hat, umb funffundsechczig phuntt Wienner phennig, die in von ains haws wegen, gelegen vor Schottentor zunagst weilent Jorgen Zehentner haws an aim tail, darumb sy und derselb maister Ulreich Griessenpekh, ir erer man auch mit gesambter hannd geschriben gewesen sein und durch die gesworen werchlewt hie umb hundert und dreissig phuntt phenning geschazt ist, das sy darumb verkauft hat, von der gesambten hanndt wegen zugepurn. Und sind zu beczalen, wann dieselben kinder vogtper werden, oder, ob sy ungevogt abgingen, des berurten irs vater seligen nagsten erben, darnach an alles vercziehen, ut littera sonat. Actum an Freitag vorm Palmtag, anno domini etc. lxviiino.

Summa nulla propter etc.