Anna, Jacoben Haner, weilennd mitburger zu Wienn seligen witib hat verkauft zwelf schilling phennig gelts purkrechts auf irm haws, gelegen am newn Markht, zenagst · des Würffl haws an aim tail und an dem andern zenagst herrn Hannsen briesters, weilennt Petern Kunter seligen sun haws. Umb zwelf phunt phennig, der emaln gelegen gewesenn sind auf Hannsen von Weitra, anders genant Velber haws, an Sannd Peters freithof gegen des von Eslorn haws uber, dise man damit darab geledigt und gelost hat. Dem erbern hern Simon Wolf, dieczeit capplan der mess, so Adelhait Gaverswenttin auf unnser Frawn altar zu Sannd Steffan zu Wienn gestifft hat, und seinen nachkommen caplenn derselben mess. Und sind zu dienn zu drein tegen im jar und widerumb abczekauffen miteiander mit zwelf phunt phennigen und dem nagsten dienste damit, ut littera sonat. Actum an Sambstag nach Pauli Conversionis, anno etc. lxximo.

Summa xxiiii d.