Barbara, Hannsen Kater des schuster seligen witib, hat versaczt ir haws, gelegen in der Kernérstrazz genant des Glukchs rad zenagst der Alten Melgrúb, davon man jerlich dint zu der ewigen mess, die Ulrich Kurczman auf Sant Kathrein altar dacz Sand Steffan gestifft hat, funf phunt pfening ze purkrecht und nicht mer. Irn drein tóchtern Kathrein, Barbaren und Margreten yeder für funfczehen pfunt pfenning, die in ir egenanter Vater geschafft hat, zu beczalen yeder irn tail, wenn si gevogt wirdet. Welh aber ungevogte abging, so sol ir tail gelt erben auf die andern. Gingen si aber alle ungevogt ab, so sol dann ir gut gevallen auf die egenant Barbaren ir muter nach laut des obgenant Kater geschéfft. Actum an Fre Montag vor sant Kathrein tag, anno etc. xlo.

Summa iii s. d.