Eintrag vom 1442-07-27Informationen zum Dokument

Balthesar Perman hat versatzt die uberteurung seins hawss, gelegen am Harmarkht zenagst Hannsen Mauttinger seligen haus, uber die fünfczig phunt phenigen, die den geistlichen frawn zu Sand Jacob vormaln darauf verschriben sind. Dem erbern Fridreichen Lenstain, dem sneider, zu handen und anstat junkfrawn Annen und Magdalen seiner töchter, die noch nicht vogtbér sind, und irn erbn für sechczig phunt d.und sind zu beczalen, wenn die benanten kinder vogtber werdent, darnach ynner dem nagsten moneid oder welche am ersten gevogt wirdet, der sol man halben tail des geltz ynner der benanten zeit ausrichten. Wér aber das si paid ungevogt abgíngen, so sol man die genant summa pfening irn nagsten erben ausrichten nach irm moneid abgang ynner dem nagsten moneid und alle die weil der obgenant Perman oder sein erben das genant gelt innhabent, so sullen sy den egenanten kindern alle jar davon raihen vir pfunt pfening zu den drein tegen zu Weichnachten zu sand Jorgen tag und zu sand Michls tag zu yedem tag x s. xx d., ut littera sonat. Actum an Freitag nach sant Jacobs tag im snit, anno etc. xliido.

Summa ½ tl. d.