Eintrag vom 1454-03-12Informationen zum Dokument

Barbara, Hannsen Werglpergers hausfraw, die emaln Hansen Gisler seligen auch elichen gehabt hat, hat verkaufft aindlef phunt und sechs schilling phenig gelts purkrecht auf irm haws, gelegen an der Vischerstieg zenagst Hainreichs Haiden haws. Umb lxxxxiiii tl. d., der viii ½ tl. gelts zu Niclasen Gelwaiczen jartag und ii tl. d. geltz zu Otten des Futrer jartag und x s. d. geltz zu Josten des Goltsmids jartag gehornt, dem erbern weisen weisen Jorgen Pruntaler, kirchmaister dacz Sand Michel zu Wien und seinen nachkomen. Davon si dann die egenanten jartäg jerlich begen sullen und dienn zu drein tagen und wider abzekauffen miteinander und den negsten dinst damit, ut littera sonat. Actum an Eritag vor Reminiscere, anno etc. liiiito.

Summa vi s. viii d.

Das egenant purkrecht ist zu dem puch gelegt worden an Mitichen post Mathey, anno etc. lvito.