Eintrag vom 1457-07-06Informationen zum Dokument

Barbara, Hannsen Hem´erl seligen witib hat versaczt die ubertewrung írs haws, gelegen in der Riemergassen zenagst Micheln Menestorffer haws an ainem tail. Über die v tl. d. geltz purkrechts, so dem burgerspital vor Kernertor, die abczulosen sind mit hundert und fünf phunt pheningen, nach laut ains purkchrechtbriefs vor darauf hat, und uber die virundzwainczigk phunt phening, die dem ergenanten Micheln Menestorffer nachmaln darauf verphenndt sein. Dem erbern Larenczen Kellner, an stat und zuhannden Hannsen Gartner zu Nürmberg seligen kindern und írn erben umb hundert phunt phenig lanndeswerung in Österreich und sind zu beczalen ains yeden jars an Sand Mertten tag zwainczigk phunt phening, solang uncz das sy der egenanten hundert phunt phenig gancz beczalt werden. Und sullen auch mit der ersten zalung anheben von sand Mertten tag nagstkünftigen uber ain ganczes jar an widerred und alles vercziehen ungeverlich. Actum an Mittichen nach sand Ulreichs tag, anno etc. lviimo.

Summa vi s. xx d.

Nota der obgenant Larencz Kellner hat den obgenant sacz ledig gesagt und darumb ain vidimus seins gwalts zu dem gruntpuch erlegt. Actum an Freitag post Tiburcy, anno domini etc. lxviimo.