Eintrag vom 1467-02-27Informationen zum Dokument

Breid, Hannsen Pechler des sailer hausfraw an stat ir selbs und Elspethen, irer tochter, die sy bey Symon Hebenstreidt, irem erern mann seligen elichen gehabt hat, versaczt ir baider hawss, gelegen am Newnmarkht zenagst Hannsen Leyttner des sailer hawss an ainem tail. Davon man jerlich dint den geistlichen heren von Agmünd iii s. d. und der sundersiechen zum Klagpawm ain halb¹ phunt phennig, alles Wiener Münss zu purkrecht und nicht mer. Der erbern Annen, Micheln Hyrssen seligen witib und iren erben umb² zwainczigk phunt phenning und sind zu bezalen von Mittvasten uber vier ganncze jare nagstkunftiigen an alles verziehen. Wér aber, das dieselb Anna in der yeczgenanten zeit³ zwayrer oder vier phunt phennig mynner oder mer ungeverlich bedurffund würde, die sullen ir anverziehen auch gegeben und geraicht werden, wann sy die haben will getreulich und ungeverlich. Actum an Freitag vor dem Suntag Oculi in der vassten, anno domini etc. lxviimo.

Summa xl d.

Anna, Micheln Hyrssen relicta habet cedulam.

Ex iussu consily.