Chunrat Ottinger, diezeit des rats der stat zu Wienn, hat versatzt sein padstuben genant zu den Schéwkken, gelegen an der Vischerstieg zenagst Hannsen Wiltsfewr des kúrsner haus an aim tail und an dem andern zenagst Ulreichs des Pekchen haws. Dem erbern Hannsen Kewschen umb hundert pfunt pfening, die sein leibgeding sind von Annen, weilent des egenant Ottinger tochter seiner hausfrawn, der got gnad. Und nach seinem abgang sullen si erben und gevallen auf der benanten Annen seligen nagst erben darauf si denn zu recht erben und gevallen sullen. Und alle die weyl der vorgenant Ottinger oder sein erben die benant hundert pfunt pfening innhaben und nicht beczaln, so sullen si dem egenanten Kewschen sein lebtég alle jar davon raihen und dienn viiii tl. d. zu den drein tégen im jar zu sant Jorgen tag, zu sant Michels tag und ze Weichnachten als solhs dínsts sit und gewonhait ist. Auch hat im der egenant Öttinger ganczen gewalt vorbehalten, daz er und sein erben bey des egenanten Kewschen lebtégen die egenanten viiii tl. d. dínsts ab der padstuben wider losen sullen, wenn si daz getun múgen mit hundert pfunt pfeningen und den nagstn dínst damit der denn davon zu diennen gevellet an allen krieg. Doch also dacz dann dieselben c tl. d. haimsteur nach frewnt rat wider

WSTLA_Grundbuch_Stadt_Wien_B1_34_SatzbuchCD_0106.jpg

angelegt sullen werden, damit die der egenant Annen seligen nagst erben wissen zesuhen. Bechéch aber, daz der egenant Öttinger oder sein erben die egenanten hundert phunt pfening innhielten solang uncz das der egenant Kewsch mit tod abgíng, so sullen der egenant Ottinger und sein erben die benanten hundert pfunt pfening der egenanten Annen seligen nagsten erben, die dann dieselben haimsteuer rechtlichen erben ausrichten und beczaln, wenn si die vodernt und nicht lenger empern wellent darnach ynner den nagsten zwain moneyden an widerred und an alles vercziehen und auch an allen irn schaden ungeverlich, ut littera sonat. Actum an Freytag vor sant Thomans tag apostoli, anno etc. xxxviiiio.

Summa vi s. xx d.

Nota daz leibgeding hat der Kewsch seinen sweher Kunraten Ottinger úbergeben und gancz ledig gesagt pro l tl. d. feria quarta ante Penthecostem ... xliido.