Eintrag vom 1440-05-09Informationen zum Dokument

Conrat Wiser der pekch hat versaczt sein haws daz ettwenn der Newsidlerinn gewesen ist, gelegen bey den Himelporten zenagst Mathesen des Helbling haws mit der nidern seytten. Junkfrawn Kathrein, Sigharts des Ayblinger des pekchen seins vorvadern seligen tochter, umb hundert phunt phening, die sein hausfraw Margret ír muter in tayding der heirat hat ausgenomen, und umb xxiii tl. d., die der egenanten junkfrawn Kathrein zugehornt und¹ von dem haus das der egenant irer muter und irs vater gewesen ist, gelegen vor Schottentor zenagst datz dieselb ir mutter Hannsen dem Znoymer verkaufft hat, herkomen sein, die er mitsambt den egenanten hundert pfunten von der egenant Margreten seiner hausfrawn emphangen hat. Also wenn die egenant junkfraw Kathrey vogtpér wirdet, so sol der egenant Kunrat Wiser oder sein erben dieselben cxxiii tl. d. der benanten junkfrawn Kathrein ausrichten und beczaln. Gíng si aber ungevogt ab, so sullen denn hinwider erben und gevallen die hundert pfunt pfening auf die egenant Margreten sein hausfrawn oder ob si nicht enwér auf ir nagst erben, oder wenn si die bey irn lebtegen schafft macht oder geit, und die xxiii tl. d. auf Sigmunds des Aiblinger negst erben, darauf si dann zu recht erben und gevallen sullen, ut littera sonat. Actum an Montag vor sant Pangreczen tag, anno etc. xlo.

Summa i tl. vi d.