Eintrag vom 1447-03-22Informationen zum Dokument

Christein, Jacoben des schrikcher seligen witib, hat versaczt ir haws, gelegen vor Stubentor aufm Graben zenagst Trinkchsaus des smids haws. Dem erbern Niclasen Wagner am Newnmarkcht und seinen erben, umb achtungvirtzig pfund phening und sullen dieselb Christein und ir erben dem benanten Wagner davon raihen und dienn alle jar sechs phund phening als purkrechts recht ist. Doch in solher maynung, ist das junkfrau Kathrey, Hannsen Lampfleisch des verber tochtter, vogtper wirdet und zu irn volligen beschaiden jarn kumbt, so sullen ir dann von der vorgnanten summ geraiht und gegeben werden zwayunddreissig pfund phening anverziehen, die ir ir ándl Anna weilent des egnanten Wagner hausfrau geschafft hat nach lautt irs geschéfts das im statpuch geschriben stet. Ging sy aber ungevogt ab, so sullen dann dieselbn xxxii tl. d. aber gevallen und gegeben werden nach innhaltung des benanten gescheffts ungeverlich. Actum an Mitichen vor Judica in der vasten, anno etc. xlviio.

Summa iii s. viii d.

Habet cedulam.