Chunrat Schrófl und Anna, sein hausfrau, habent versaczt ir haws, gelegen in der Weihenpurg genant der Alt Techanthof zenagst ·· des abts von Altenburg haws. Dem erbern weisen Herman Edlerawer und Kathrein, seiner hausfraun, umb hundert phundt phening haymsteuer und anderthalbhundert phund phening morgengab nach der statrechten, davon in die egnanten ·· der Schrófl und sein hausfrau jerlichen dienen raichen und zuetragen sullen zu irn handen und in ir gewarsam zwainczig phunt phening zu hofczins zu drein tegen zu Weichnachten, sand Jorgen tag und sand Michls tag, und sullen mit dem ersten dinst anheben zu sand Jorgen tag nagstkunftigen. Alslang sy die obgnanten dritthalbhundert pfund phening haymsteur und morgengab nicht abledigen doch mugen sy die abledigen. Also das dann dieselben dritthalbhundert phund phening wider angelegt werden als haimsteur morgengab und der stat zu Wien recht ist, ut littera sonat. Actum an Mitichen vor Judica in der vasten, anno etc. xlviiio.

Summa ii tl. xx d.