Clara, Hannsen Tynnpekchen des prukmaisters seligen witib, hat anstat irselbs Jacoben und Berblein irer kinder, die noch nicht vogtper sind, verchaufft von der merklichen geltschuld wegen, darinn sew der egnant maister Hanns seliger gelassen hat, funf phunt phening gelts purkrechts auf irm haus, das ir und irn kindern der egnant maister Hanns seliger in geleichen tail geschafft hat, gelegen in der Scheffstrass zenagst Wolfgangs von Asparn haus. Umb funfczig phund phening, die von der padstuben vor Werdertor gelegen herkomen sind. Dem erbern herren, hern Niclasen Chiliber, caplan der mess die Ulreich Flekch auf Unser Fraun altar in Sand Johanns cappellen daselbs, gelegen gestifft hat, und seinen nachkomen, und sind zu dienn zu drein tegen und wider abczukauffen miteinander und den nagsten dinst damit, ut littera. Actum an Freitag vor Sant Matheus tag, anno etc. xlviiio.

Summa iii s. x d.