Conrat Ötzestorffer hat versaczt die uberteurung seins hauss, gelegen undern Satlern zenagst Hansen des Wiczinger haus, uber die zwayundvirczig phund phening, die Micheln Walthern des satler seligen sun vor darauf verschriben sind. Und uber die siben phund gelts purkrechts, die abzulosen sind mit sibenczig phund phenigen, die weilent hern Hannsen Vaschang nachmaln darauf veschriben sein, nach lautt ains purkrechtsbriefs. Seiner zwain kindern Micheln und Margreten, die noch nicht vogtper sind, umb virczig phund phening, die in frau Barbara, hern Steffans Wirsing witib selige geschafft hat und sind zu beczaln, wenn sy vogtper swerdent an alles vercziehen. Gingen aber dieselben seine kinder ab ungevogt ee wenn der vorgenant Kunrat Oczestorffer ir vater, so sullen dieselben virczig phund phening gancz bey im beleiben, nach lautt der egenanten Wirsing in geschefft, das im statpuch geschriben stet. Actum an Montag vor sand Mertten tag, anno etc. lmo.

Summa lxxx d.

[…] habet cedulam.