Chuncz Reiff hat versaczt sein haws, gelegen auf der Morinn, zenagst Ulreichs Kerner haus an aim tail und an dem andern zenagst des Ekkenperger haus, Kunczen, Fridreichs Prantstetter des puchveler seligen sun, der noch nicht vogtper ist, umb c und xii tl. d. landeswerung in Österreich, die im von des egenanten seins vaters seligen geschéfft erblichen zugepurn. Und sind zu beczaln, wan derselb Kuncz vogtper wirdet, darnach an alles vercziehen. Aber alle dieweil er nicht vogtper ist, so sol er den egenanten Kunczen innhaben mit dem gelt und in ziehen, gewenten und mit kosst versorgen, als ain solhen kind zugepurt, und auch alle steur davon ausrichten, an abslag der egenanten seins gutes ungeverlich. Ging aber derselb Kuncz ungevogt ab, so sullen dann die egenant sum phening dahin erben und gevallen, nach laut des egenanten Prantstetter seligen geschéfft. Actum an Montag post Viti, anno etc. liiiio.

Summa vii s. xiiii d.

Testamentarii habent cedulam.