Eintrag vom 1459-03-09Informationen zum Dokument

Caspar Ringswegkl der pekch und Barbara sein hausfraw habent versaczt ír haws, gelegen bey dem Rotentúrn undern Hafnérn gegen Mertten des Kussenphenig haws über und stost mit dem hindern tail an die padstuben daselbs. Den erbern Hannsen im Werd, richter und den gesworn virérn zu Elpltaw und írn nachkommen zu stifftung der mesen, die Jörg Toller dasebshin zu stifften geschafft hat, umb hundert phunt phenig der swarczen münnsen lanndeswerung in Österreich. Und alle dieweil der egenant Ringswegkl und sein hausfraw dieselben sum phenig innhabent, so sullen sy den egenanten, · dem richter und den virérn zu Elpltaw und írn nachkommen zu stifftung der egenanten mess alle jar davon raichen und diennen sechs phunt phenig, zu den vir quattembern im jar, zu yedem quattember zwelf schilling penig. Und sullen mit dem ersten dinst anheben zu der quattember zu Phingsten schiristkünftigen an alles vercziehen, ut littera sonat. Actum an Freitag vor dem Suntag Judica in der vasten, anno etc. lviiiio.

Summa vi s. xx d.