Caspar Wisner, kürsner, hat versaczt sein hawss mit seiner zúgehörung, gelegen am Hohenmarkht zenagst dem Kürsnhaws, Umb hundert junckfraun Margreten und Barbaran, die noch ungevogt sind und die sein hausfrau Magdalen bei Lienharten Steirer, irem erern man seligen eelichen gehabt hat. Umb hundert pfunt Wienner pfennig, die in von der übertewrung des gúts Da über das geschéfft, das fraw Anna Gräfenpergerin, ir éndl getan hat, zu gestanden sind, als daselb geschäft in der statpúch geschriben stet¹. Und sind zúbeczalen, wann die egenanten kinder vogtper werden. Doch unvergriffen an den funff pfunt pfennig geltz purkrechts, darumb das vorgenant haws, hern Niclasen Weiss, capplan der ewigen mess, die Albrecht Weinstokh auf Sand Anna altar in Unser Frawn cappellen auf der Stetten zu Wienn gestift hat, und einen nachkommen vorhin verseczt ist. Actum an Freitag nach Unser Frawn tag der Liechtmess, anno etc. lxiio.

Summa vi s. xx d.

Habet cedulam.