Cristina, Hannsen Ponhaimer hausfraw hat versaczt die übertewrung irs hawss mit seiner zugehörung, gelegen an dem Lugegkh bey den fleischpenkhen, uber die funffhundert phunt phennig hamstewr und morgengab, darumb ir das der obgenant Ponhaimer ir mann vormalen verschriben hat. Dem erbern Erharten von Kollen, burger zu Nürnberg und seinen erben umb su lxi Ungrische und ducaten gulden, gerecht in gold und wag. Und sind zu bezalen auf die Phingsten nagstkunfftigen an alles verziehen getreulich und ungeverlich. Actum an sand Thomans tag apostoli, anno domini etc. lxviimo.

Summa v s. d.

Nota der obgenant Erhart von Kolen hat den sacz lediclich ubergeben Giligen Mair utt ubergab, die zum puch erlegt ist. Und derselb Mair hat darauf den sacz ledig gesagt, actum an Montag vor sand Gregori tag, anno etc. lxxi.