Eintrag vom 1470-06-22Informationen zum Dokument

Caspar Ursenperger hat versaczt sein haws, im gésslein bey den Weissenbrudern gelegenn, zenagst weilenndt Micheln Rirnolten seligen haws. Junkhfrawn Annen, Jacoben von Brúnn des sneider seligen tochtter, umb zwayundzwaintzig phund und vir schilling phening, die ir von der gesambten hannd wegen ains hawses, gelegen auf den Hohenbrugken, darumb der obgenant ir vatter und Elsbeth sein hausfraw, ir múter seligen in der geistlichen heren von Schotten grúntpúch untz und gwer geschriben gewesen sind, zugebureen. Und sind zu beczallen, wann dieselb junkhfraw Anna vogtper wirdet, oder, ob sy ungevogt abgienng, irn nagsten erben an alles verziehen. Und sol derselben junkhfrawn Annen jerleichen davon dienn an abslag zwelf schilling phening, zu drein tegen im jar Zu yedem tag, zu sand Jorigen tag, sannd Michels tag und ze Weichnachten, zu yedem tag vir schilling phening. Und sol mit dem ersten dinste anheben zu sand Michels tag nagstkünftigen an alles verziehen treuleich und ungeverleich. Actum an Freytag post Corporis Cristi, anno etc. lxxmo.

Summa xlv d.

Wolfgang von Brunn habet cedulam.

Ex iussu consily.

Nota das gelt ist der obgenanten junkhfrawen auf heren Wolfgangen freithof garten, vor Widmertor aufm graben gelegen, in der von Schotten gruntpuch ausgezaigt und verschriben, an Sambstag post Steffani, anno etc. lxxmo.