Dorothe, Albrechts Liepharts des schuster hausfrau, die emalen Niclasen Wagner den schuster seligen auch elichen gehabt hat, hat versaczt ir halbs haus ganczes gelegen am Harmarkt zenagst der padstuben genant die Perlabin, davon von demselben írm halben haus jerlich dint Fridreichen Lenstain, dem sneider, zu handen junkfraun Magdalen, seiner tochter, und irn erben zway phunt phening, die abzulosen sind mit dreissig phunt pheningen nach lautt ains saczbriefs so darumb ist, und Johannesen Meczinger von Freindorf verweser der ewigen mess, die weilent Dietreich Fluschart auf Unser Fraun altar zu Sand Steffan gestifft hat, siben phund phening zu purkrecht, die abczulosen sind mit sechsundfunfczig phunt phening nach laut ains purkrechtbriefs und nicht mer. Den¹ erbern Linharten und Jacoben geprudern den Weidenholtzern, der egenanten Dorothen prudern, und irn erben umb xxx tl. d., die in zu irm tail von Hansen Welser des leinbater und Dorothen seiner hausfraun irer swester seligen hauss wegen, auf dem Steig zenagst weilent Ulreichs von Steir haus gelegen, das sy mitsambt andern irn miterben verchaufft habent erblichen zu gepúrn und pey der stat gruntpuch gelegen sein, und sind zu beczalen, wenn sy die vordernt und nicht lenger empern wellent. Darnach ynner den nagsten virczehen tagen an alles vercziehen, ut littera sonat. Actum an Montag ante Margarethe, anno etc. xlviiio.

Summa lx d.

Nota die obbemelten 60 tl. d. sind zu dem buch erlegt, Montag post Udalrici anno etc. 8vo.