Eintrag vom 1450-03-11Informationen zum Dokument

Dietreich Grosch der goltsmid und Anna sein hausfraw habent versaczt ir haws, gelegen am alten Kolmarkt zenagst Ulreichs Túrhutter haws, junkfrawn Barbaren irer tochtter, die sy bey irm ererm mann Niclasen Garas dem goltsmid gehabt hat, und irn erben vaterhalben. Umb newnczig phunt phening, die herkómen sind von dem haws, auch am alten Kolmarkt gelegen, zenagst des egenanten Turhutter haws, das die egenant fraw Anna mit dem benanten Niclasen Garas gekauft und yecz Symon de Prunner satler verkauft hat, und der egenanten junkfrawn Barbaren fur irn vaterlichen erbtail, so sy an dem haws gehabt hat, zugepürnt. Und sind zu beczalen, wenn dieselb Barbara vogtper wirdet, oder, ob sy ungevogte abging, irn nagsten erben vaterhalben, von dann sy herkomen sind an widerred und an alles vercziehen, ut littera. Actum an Mitichen vor sand Gregorien tag, anno domini etc. lmo.

Summa vi s. d.

Nota den benanten geltbrief junkfraun Barbaren habent Dietreich Grosch und sein hausfraw in den rat gelegt, zu derselben Barbaren und iren erben handen. Actum ut supra.