Dorothe, Meinharts des Riemer hausfrau hat verchaufft zwai pfund pfening gelts purkrechts auf irm haws, gelegen in der Vilczerstrass, an aim tail zenagst Micheln des Prawnsperger haws, davon man jerlichen dint dem caplan der ewigen mess, die maister Albertinus auf Unser Fraun altar zu Sant Steffan gestifft hat, drew pfund pfening zu purkrecht und nicht mer. Uber sechczehen pfund pfening dem erbern weisen Jörgen Pruntaler, dieczeit kirchmaister hincz Sand Michel und seinen nachkomen zu Hainreichs Kienasts jartag, den man im daselbst jerlich begen sol. Und sind zu dienn zu drein tegen und wider abczuchauffen miteinander und den nagsten dinst damit, ut littera. Actum an Montag nach sand Pangreczen tag, anno etc. liiiito.

Summa xxxii d.