Eintrag vom 1454-12-11Informationen zum Dokument

Dorothe, Erharts Ottentaler hausfrau hat versaczt ir haws, gelegen am Kienmarkt zenagst Larecnzen des Sixten haws. Dem ersamen maister Pangréczen Krewczer, lerer in der erczney, und Steffan dem Kisling, anstat und als gerhaben Affren und Margreten, Oswalts Wolfger und Ursulen, seiner hausfraun seligen kindern umb hundert und virczig pfunt pfening. Und sind zu beczalen virczig pfunt auf die nagstkunfftigen Weichnachten und hundert pfund auf sand Mertten tage schiristkünfftigen an alles vercziehen. Wér aber, das die egenanten kinder ungevogt abgiengen, so sol dann dasselb gelt geben werden nach innhalt der vorgenanten Ursulen, irer mutter seligen gescheffts, das im statpuch geschriben stet. Actum an Mittichen vor sand Lucein tag, anno domini etc. liiiito.

Summa ix s. d.

Maister Pangrecz habet cedulam.

Nota die obgenanten hundert und virczigk phunt phening habent maister Pangretz Krewtz und Steffan Kisling zu der kinder hannden ingenommen und sullen in behalten werden. Actum an Phicztag vor Oculi in der vasten, anno etc. lviiiio.