Eintrag vom 1465-02-22Informationen zum Dokument

Dorothen¹, Andres Krembniczer des goltsmids, weilent mitburger zu Wienn seligen witib hat verseczt die ubertewrung irs haws, gelegen am alten Kollmarkcht, zenagst Hannsen Meyrl haws an aim tail und an dem anderen zenagst Ulreichs Ganser des sneider haws. Davon man jerlich dint hern Niclasen Kiliber, kapplan der mess, die Ulreich Flekch auf Unnser Frawn altar, in Sand Johanns kappeln vor Werdertor gelegen, gestifft hat, zway phunt phening zu purkrecht, die abczelosen sind mit xx tl. d. nach lautt ains purkrechtbriefs und nicht mer. Uber die hundert phunt, aindlif schilling und funf phening, darumb es vormaln Pangreczen und Elspeten, Andres Meichsner des goltsmids seligen kindern, die noch nicht vogtper sind, und irn erben verschriben ist. Umb drew phunt phening, die herkomen sind von ains weingarten wegen, gelegen zu Wering in der Pewnt, des ain virtail und der geistlichen herren von Péwren grunt ist², darumb der egnant Andre, irs Meins man und Margreth, sein erer hausfraun nucz und gwer geschriben gewesen und uns vi tl. d. verkaufft ist worden. Scolastica, des benanten Andren, irs manns und der bemelten Margret seiner hausfraun irer Meiner vorvodern seligen tochter, die ir von der gesambten handt wegen zu gepürn. Und sind zu beczallen, wann dieselb Scolastica vogtper wirdet³, darnach an alles vercziehen ungeverlich. Actum an Freitag vor sand Mathias tag apostoli, anno etc. lxvto.

Summa vi d.

Dorothea habet cedulam.

Nota die obgenannten iii tl. d. sein durch Michlenn Schon, goldsmid, zum puch erlegt. Actum secunda post Kathrine, anno etc. lxxxvito.