Eintrag vom 1467-11-18 Informationen zum Dokument

Dorothe, Wennczlabn Znoymer hausfraw an stat irs selbs, Linhart Perger, dieczeit kirchmaister zu sand Michel und des rats und Ludwig Pappenhaim die goltsmid, burger zu Wienn, baid gerhaben junkhfrawen Margrethen, Stephans Pusenperger seligen tochter, an stat derselben junkhfrawen. Habend versaczt ain hawss, gelegen gegen Sand Stephans freithof über, zenagst weilent des Rauch zingiesser hawss, uber das von Stephan Pusenperger, der bemelten Dorothen und Margreten vater seligen erblich an sy komen ist Doch unvergriffen. Uber diese xviiii tl d., darumb es vormalen Jorgen Kramer oder, ob er nicht enwer, ist¹ versaczt² dem erben Andren Prukhner, dem goltsmid und Helen seiner hausfrawen umb sechtzigkh phunt phening, die sy Kathrein, Andres Salomon hausfrawn geben haben, von des obgenanten hawss wegen, das sy dafür ingehabt hat. Und sullen dann ir jérlich davon zu hofzins geben xiiii tl. d. vir berait, die sy zu statstewr, auslag und ander mitleiduung des benanten hawss prauchen. Ud die übring x tl. d. sullen in an dem obgenanten lx tl. d. jerlich abgezogen werden, also für und für solang uncz daz sy derselben lx tl. d. ganncz bezalt und abgezpgen worden sein. Daentgegen sollen in dasselb hawss auch widerumb frey und ledig sein, allen iren frumen damit ze schaffen, wie sy verlusst an alle irrung, getrewlich und ungeverlich. Actum an Mitichen vor sand Elspethen tag, anno domini etc. lxviimo.

Summa x tl. d.