Erhart Marbacher der smid und Margret, sein hausfraw, habent versaczt die uberteurung írs hauss, gelegen in der Wolzeil zenagst Dietreichs Starhantz haus. Uber die lxxx tl. d., die Giligen Sniczer und Kathrein, Hannsen Puhel tochter weilnt seiner hausfraun, zu nagsten erben ze haimsteur vor nach laut ains briefs darauf verschriben sind, den erbern Hannsen und Annen, Hannsen Sewser des schuster seligen kindern, und irn erben, umb lx tl. d. und sind zu beczaln, wenn dieselben kinder vogtper werdent und zu irn beschaiden jarn komend. Und sullen in die weil si das gelt innhabent alle jar davon raihen und dienn sechs phunt pfening zu den drein tegen im jar Michaelis, Nativitatis, Jeorii, zu yeden tag ii tl. d., ut littera sonat. Actum an Montag nach Judica, anno domini etc. xlio.

Summa ½ tl. d.