Eintrag vom 1443-07-10Informationen zum Dokument

Ekchart Refer der goltsmid und Elsbet sein hausfraw habent versaczt ir haus, gelegen in der Weyhenpurg genant der Alt Techant hof zenagst des von Altenburg haus. Der erbern junkfrawn Kathrein, Ruprechts Refer des kursner seligen tochter, umb zwayhundert und newnczig phunt Wiener pfening, die herkomen sind von dem haus genant der Turn, gelegen mit dem hindern tail an weilnt Niclasen des Würffel haus und sind zu beczalen, wenn der die egenant junkfrau Kathrey gevogt wirdet darnach ynner der nagsten jarsfrist. Wér aber daz si ungevogte abging, so sol man dann von dem gelt und von anderm irm gút ain mess stifften hincz Sant Steffan nach innhaltung des egenanten Ruprechten seligen geschéfft getreulich und ungeverlich, ut littera sonat. Actum an Mitichen vor sant Margreten tag, anno etc. xliiio.

Summa ii tl iii s. x d.

[...] Ekhart habet cedulam.

Item der gwalt geltbrief liegt im Ratturn zu des kinds handen.

Den genant sacz hat die obgenant Katherina durch Heinrich irm mann der irn gewalt gehabt hat ledig gesagt.