Elspeth, Jorgen des Steigl hausfrau hat verchaufft sechs schilling pfening gelts purkrechts auf irm haus, gelegen pey Schottentor und stosst mit dem hindern tail an hern Pernharts Prawn haws. Davon man jerlich dint hern Hannsen Reiffenstain, caplan Sand Peter und Sand Pauls altar in Sand Johanns capellen vor Werdertor und seinen nachkomen zwelf schilling pfening und zwain ewigen liecht in Sand Ruprrechts cappelln am Kienmarkt ain halb pfund pfening, alles zu purkrechtt nach lautt der purrechtbrief und nicht mer. Umb sechs pfund pfening und sind emalen gelgen auf Niclasen Salczpurger des weber haus in Sand Johannsstrass, dem erbern hern Hannsen Sibenburger, caplan Unser Fraun capellen hincz Sand Peter und seinen nachkomen. Und sind zu dienn zu drein tegen und wider abczuchauffen miteinander und den nagsten dinst damit, ut littera. Actum an Mittichen nach sant Steffans tag im snit, anno etc. lvito.

Summa xii d.