Eva, Sebastians Zieglhawter, burger zu Wienn seligen tochter und Stephanns Een hausfraw hat gemacht demselben irem man Stephan drewhundert phunt phening. Zu rechter haimstewr gegen den fünffthalb hundert phunt morgengab, die ir verschriben sind auf irér gerechtigkait und tail hawss, gelegen am Alten Rosmarkt zenagst der padstuben, darumb sy und Sebastian Zieglhawser ir pruder miteinander uncz und gwer geschriben sten. Also das er die bemelten iiic tl. d. haimsteur auf1 seiner egenanten2 hausfrawn gerechtigkait und tail hawss, als vor stet, innhaben, nuczen und nyessen sol und mag, als haimstewr und der stat zu Wienn recht ist, ut littera sonat. Actum an Montag nach sand Mathias tag apostoli, anno domini etc. lxxmo.
Summa ii ½ tl. d.
Nota der obgenant Steffan En hat die berurten iiic tl. d. auf dem egenanten hauss, des er nucz und gwer stet, widerumb darauf verschriben.