Eintrag vom 1444-02-26Informationen zum Dokument

Friedreich Gerunger burger zu Wienn hat verschriben seiner hausfrawn Agnesen, Hannsen Kottanner seligen tochter, hundert phunt phening auf seinem turn, gelegen am Kienmarkt am egk seins hauss und allen den gmechen die under demselben turn und darinn sind mitsambt dem dach darob und auf seinem keller und dem gwelb daran gelegen in des Ruschleins haus daselbs zu rechter morgengab nach der statrechten hie zu Wien, ut littera sonat. Actum am Aschtag, anno etc. xliiiito.

Summa vi s. xx d.

Summa iii s. x d. altera pars vacat propter summam priorem.

Sigmund Vinkh habet cedulam.

Nota der aus den c tl. d. sein gevallen fraun Affren Sigmuden Vinkhen hausfraun zway dritail ut versorgbrif und die andern zwen tail hat fraw Kathrey des egnanten Gerunger hausfrau auf irem tail hawss am Graben in der vann Schottn gruntpuch verschriben ut zedula die bey dem gruntpuch ligt die sol man nicht hinaus geben, unz die stat sein versorgt von des egnanten gruntbrifs wegen.