Fridreich Prunnhofer der lédrer und Anna sein hausfraw haben versaczt ir haws, gelegen vor Werder undern Ledrérn, mit seiner zugehorung zenagst Niclasen des Purger haws, davon man jérlich dint dem kirchmaister zu Sand Michel zu Petern underm Pirpawm jartag drew phunt phening zu purkrecht und nicht mer. Dem erbern Thoman Gawestorffer dem ledrer zu Wienn, Dorothen seiner hausfrawn und irn baiden erben umb virczig phunt Wienner phening und sind zu beczalen von dem nagstkünftigen Vaschang tag uber ain ganczes jar an alles vertziehen, ut litera sonat. Actum an sand Scolastica tag, anno domini etc. li.

Summa lxxx d.