Eintrag vom 1454-05-24Informationen zum Dokument

Fridreich Arnolt der kursner hat gemacht seiner hausfraun Annen sibenczig pfund pfening auf der uberteurung seins hauss, gelegen am Kienmarkt zenagst Petern Schuchler haws. Uber die funfundachczig pfund pfening, die junkfraun Annen, seiner tochter vor darauf verschriben sein, und uber die sechsundfunfczig pfund phening, die Gebharten Geb von Ravenspurg, seiner gesellschafft und irn erben nachmalen darauf verphentt sein. Also mit ausgenommen worten ist, das der egenant Fridreich mit dem tod abgeet ee dann die vorgenant Anna sein hausfrau, so sol sie dann die egenanten sibenczig pfund pfening auf der uberteurung des egenanten hawss lediclichen haben. Ging sie aber ab ee dann er, so sol er die egenanten sibenczig pfunt pfening sein lebtteg innhaben, nuczen und niessen unverchumert. Und nach sein tod so sullen dieselben phening herwider erben und gevallen auf der egenanten Annen seiner hausfraun nagst erben, darauf die dann zu recht erben und gevallen sullen an allen krieg. Actum an Freitag vor sand Urbans tag, anno etc. liiiito.

Summa ½ tl. xx d.