Gabriel Grefenperger und Ulrich Pruflinger habent versaczt verkaufft1, an stat und als gerhaben Casparn und Henslein Ulreichs von Egenburg des pader seligen sun, funf phunt pfening geltz purkrechtz auf irer padstuben mit irer zugehorung, gelegen in der Walichstrass genant die Kantzlerin zenagst · des von Ekcharczaw haws, davon man jerlich dint dem kirhmaister hincz Sand Michel zu Jorgen des Gutawer jartag zwai phunt pfening und in der burgerspital vor Kernertor ain phunt pfening ze purkrecht und nicht mer. Umb xl tl. d.2 der erbern geistlichen frawn swester Kathrein der Dietramin, priorin zu Sand Larenczen, dem convent daselbs und irn nachkomen und sind zu dienen zu drein tegen und wider abzekauffen miteinander und den nagsten dinst damit. ut littera sonat. Actum an Mitichen nach sand Margreten tag, anno etc. xlo.
Summa lxxx d.