Eintrag vom 1438-02-14 Informationen zum Dokument

Hanns Wintter, mitburger ze Wienn, hat versatzt sein haus, gelegen in der Wollczeil zenagst Dietreichen des Starhants haws. Dem erbern Giligen Snitzér, mitburger ze Wienn, und frawn Kathrein, Hannsen des Püchels tochtér, weilent seiner hausfraun seligen, nagsten erben, umb lxxx tl. Wiener d., die dasselbs · Snitzer von derselben seiner hausfraun wegen haimsteur und emaln auf seinem haws bey dem Rotenturn gelegen sein. Und alle dieweil sy dieselb sum phening innhaben, sullen sy dem obgenanten · Snitzer alle jar davon raihen und dienen viii tl. Wiener d. an abslag des vorgenanten haubtguts zu drein tégen im jar Jeori Michaelis und Nativitatis Christi zu yedem tag ii tl., v s. und x d.. Wér aber daz der egenant Giligen Snitzer mit tod abging dieweil sy die egenant sum phening innhielten, so sullen sy dann dieselb sum phening haimsteur ausrichten und beczaln der vorgenanten fraun Kathrein seligen, nagsten erben, die dann dieselb haimsteur rechtlichen erbent. Wann sy die an uns si¹ vordernt und der nicht lenger empern wellent anvercziehen, ut littera sonat. Actum an Freytag sand Valentins tag, anno xxxviiivo.

Summa v s. x d.