Eintrag vom 1438-06-23Informationen zum Dokument

Hanns Haringseer, dieczeit des rats der stat ze Wienn, und Anna, sein hausfrau, habent verkaufft vir phunt phening geltes púrkhrechts auf irem haws, gelegen in der Münnsserstrass ze Wienn, genant des Smerbekhen haus zunagst Petern des Strasser haus an ainem tail, davon man jérlich dient zu Casparn des Slinger mess die er in das frawnklóster zu Sand Maria Magdalen vor Schottentór gelegen ze stifften geschafft hat xvi tl. Wienner phening ze púrkhrecht die mit cc und xl tl. d. abczelösen sind und hern Niclasen dem Stuermer dieczeit caplan der ewigen mess, die weilent Niclas der Karnér auf Sand Jacobs altar in Sand Steffanskirchen hie ze Wienn gestifft hat, x tl. d. auch ze púrkhrecht die mit c und lii tl. d. abzelösen sein nach lautt der ùrkund darüber gegeben und nicht mer. Umb lxiiii tl. d., der erbern geistlichen junkhfrawn Kathrein von Górs, conventswester dacz Sand Larenczen ze Wienn, fürbaser die egenanten vir phunt phening geltes púrkhrechts ír lebtég únverkumert innczehaben ze nüczen und ze niessen und alle jar des nagsten tags nach únser Frawn tag zu der schidung dem ersamen maister Petern Dekhinger lerér geistlicher rechten dem got genad ainen jartag mit ainem halben phunt phening nach gewonhait desselben chlósters zu Sand Larenczen zu begeen an alle sawmung und die virdhalb phunt zu írem nucz ze wennden. Und wenn dieselb junkhfraw Kathrey mit tód verschaidet, so súllen die egenanten vir phunt phening geltes púrkhrechts ewikhlichen bey dem benanten chlóster zu Sand Larenczen beleiben und die priorinn desselben chlosters, wer die ye zu den zeiten ist, sol dem egenanten maister Petern Dekchinger dann auch ewigklichen ainen jartag mit ainem phunt phening begeen und ausrichtten nach gewónhait desselben chlosters und die drew phunt alle jar zu des gotshauss nottürfften anlegen wie si das füglich dunkhet nach irem gewissen und darumb sullen die obgenanten Hanns der Haringseer, Anna, sein hausfrau, all ír erben und nachkómen die das vorgenant haus innhabent und besiczent der vorgenanten junkhfraun Kathrein zu yeren lebtägen und darnach den geistlichen frawn · der priorinn und dem conventt zu Sand Larenczen in der maynung als vor gemeldet ist die obgenanten vir phunt phening geltes púrkchrechts jérlichen von demselben haus raichen und dienn zu den vir quattembern im jar zu yedem quattember ain phunt phening mit allen den núczen und rechten als man annder púrkhrecht in der stat ze Wienn raicht und dient. Es sind auch die egenanten iiii tl. d. gelts wider abczekauffen miteinander mit lxiiii tl. d. und den nägsten dinst damit der davon ze dienen gepürt und ob die lósung also beschéch, so súllen dann die egenanten geistlichen frawn auf ainem andern stukh das alsvil gelts wol getragen mag vir phunt phening geltes und nicht mer umb dieselben lxiiii tl. d. kauffen damit der kauf dester götlicher beschech, ut littera sonat. Actum an Montag vor sand Johannstag ze Sunnbennden, anno etc. xxxviiivo.

Summa ½ tl. viii d.

Nota das gelt ist zu dem gruntbuch gelegt worden, an Mittichen vor Lamperti, anno etc. xliiiito.