Eintrag vom 1440-03-09Informationen zum Dokument

Hanns Kartuser, Marx Frewdenczwey und Hanns Reintaler, burger zu Wien, Andres Hofmaister des kürsner seligen geschefftleut, habent an stat Jacoben des benanten Hofmaister seligen sun, der noch nicht gevogt ist versaczt desselben Jacoben haus hinders und voders, das im der benant sein vater seliger geschafft hat, gelegen undern Satlern zenagst Niclasen Ponhalm haws. Dem erbern man Wolfharten von Pusewl, burger zu Wien, und seinen erben umb lxx tl. d., die er dargelihen hat damit man siben pfunt geltz purkrechtz so Eberhartz des Kasstner mess hincz Sant Peter darauf gehabt hat gancz abge abgeledigt hat, und des dinsts furbaser vertragen sey und sind zu beczalen wen der egenant Jacob des Hofmaisters sun vogtbér wirdet darnach an alles vercziehen. Ging aber derselb Jacob ungevogt ab. So sullen die geschefftleut das haus verchauffen und aber den genanten Wolfharten oder sein erben davon beczalen die genanten lxx tl. d. und das ubrig gelt dann geben dahin es derselb hofmaister geschafft hat nach laut seins gescheffts. Actum feria quarta post Letare, anno etc. xlo.

Summa ½ tl. xxiiii d.

Nota die obgenanten lxx tl. d. hat die benant frau Margret irem sun Jacoben Hofmaister ledigklichen übergeben.