Eintrag vom 1440-06-22Informationen zum Dokument

Hanns Scharffenperger, diezeit des ratz der stat ze Wien, hat versaczt sein haus darinen er selber siczt, gelegen am Hohenmarkht im Winkl zenagst hern Hannsen Steger haws, davon man jerlich dint dem caplan der mess die Linhart Schawr auf Sant Linharts altar in fr unsers frawn kappellen auf der Stetten gestifft hat, xxxvii ½ tl. d. zu purkrecht und nicht mer, und sein zuhaus auch gelegen mit dem vordern tail am Hohenmarkt und mit dem hindern tail im Vischhof zenagst dem Riemhaus daz auch sein ist an ainem tail und an dem andern zenagst dem egenanten grossen haws mit zwain weingerten gelegen zu Ottakchrin ainer ob der kirchen genant datz Panczir und der ander im Funkchen die des gotzshawss ze Newnburgk grunt sein. Dem erbern herren hern Hannsen Slinger, diezeit caplan der ewigen mess die weilnt Caspar Slinger dacz Sand Maria Magdalen gestifft hat, und seinen nachkomen für ccxl tl. d. Also alle dieweil der Scharffenperger und sein erben die benant sum pfening innhaben so sullen sy dem egenanten caplan und seinen nachkomen alle jar davon dienen xvi tl. d. zu den drein tegen im jar zu sand Johans tag ze Sunbenden zu sand Merten tag und zu unser frawn tag zu der kundung in der vassten und ob geschéch daz ain caplan ein gut vail fund ze kauffen daz der mezz nucz und fuglich wér. Wen si denn die egenant sum pfening vodernt so sullent si der Scharffenperger und sein erben ausrichten nach solher vodrung ynner den nagsten drein moneiden und sullen die albeg anlegen mit des lehenherren der mess und des egenanten Casparn Slinger gescheffleut wissen und willen ungeverlich an ut littera sonat. Actum an Mitichen vor Sand Johans tag ze Sunbenden, ano etc. xlo.

Summa ii tl. d.

Nota daz gelt hat Peter Wurm kaplan der mess ingenomen und wider ausgelihen in der vorgeschribenen maynung Ulreichen Meczleintorffer auf sein haus in der Vodern Pekchenstrazz ut littera sonat den der kaplan hat. Actum an Mitichen vor Judica anno etc. lo.