Hanns Haringseer, diezeit des ratz und spitalmaister zu Wien, hat versaczt sein haus, daz er von Erharten Gibing gechaufft hat gelegen in der Munsserstrass zenagst Hansen Hansen des Waldner haus. Der erbern frawn Annen, Seifrids des Munczken hausfrau, die emaln Hannsen Milt an der Prantstat auch elich gehabt hat, umb i ½c tl. d., die ir leibgeding und bey der stat gruntbuch gelegen sein, die und nach irm abgang gevallen sullen dahin si der egenant Hans Milt geschafft hat nach innhaltung seins geschefftz das im statpuch geschriben stet und sind auszerichten und auch wider zu der stat gruntpuch niderzelegen von den nagstkunftigen Weichnachten uber ain jar und sullen in auch der egenant Haringseer oder sein erben dasselb jar davon raihen und dienen x tl. d. zu den drein tegen an sand Jorgen tag¹, an sand Michels tag und ze Weichnachten zu yedem tag iii tl. lxxx d. und sullent auch mit dem ersten dinst anheben an sant Jorgen tag schiristkunftig anvercziehen, ut littera sonat. Actum feria secunda ante Egidi, anno etc. xlo.

Summa x s. d.

Habet cedulam.