Eintrag vom 1440-12-07Informationen zum Dokument

Hanns Grünfelder, der pinter, und Klara, sein hausfraw, habent versaczt ir haus, gelegen vor dem Rotenturn gegen dem Pibersturen uber bei der alten rosstrenkh zenagst Linharts Lehenholczer haus. Dem edeln vesten ritter hern Kunraten Holczler, burgermaister zu Wien, und seinen erben, umb sechczig pfunt Wiener pfening und sind zu beczalen zu Sand Michels tag nagstkunftig xx tl. d. und von demselben sand Michels tag uber ain jar xx tl. d. und von dem yeczgenanten nagstkunftign sand Michels tag uber zway jar auch xx tl. d. an alles vercziehen. Actum an Mitichen nach sand Niclass tag, anno etc. xlo.

Summa ½ tl. d.

Erasem Ponhaimer als gescheftman und frau Kathrey, hern Kunczen Holczler witib als gescheftfrau habent den sacz ledig gesagt, feria sexta ante Gregorii, anno etc. xlvito.