Hanns Wintter, der kramer, hat versaczt sein haus, gelegen in dem Kumphgessl hinder der Newnperger hof mit aim tail der der stat grunt ist zenagst der Radewudlin haus und mit dem andern tail der des gothauss zu den Schotten grunt ist zenagst Conrats des Gusster haus. Dem erbern Niclasen Lewter, dieczeit des rats zu Prugk auf der Leitta, anstat und zu handen Hannsen des Lewter, seins pruders selign kindern, und irn erben, umb cxxxii tl. d. und sind zu beczalen auf sant Michels tag nagstkunftigen anvercziehen, ut littera sonat. Actum an Mittichen vor Philippi et Jacobi, anno etc. xliiiito.

Summa i tl. xxiiii d.

Daz vorgenant gelt hat der genant Niclas Lewter ingenomen von Petern Strasser der das haus gekauft hat und den sacz ledig gesagt, an Freytag ante Martini, anno etc. xlviio.